د بنګلهدېش د قرآني تلاؤت څلور ویشتم نړيوال کنفرانس تر سره شو
یکنانیوز د cica.ismc له قوله راپور راکوي،د إقرا قرآني ټولنې په هڅو،د قرآن كريم څلور ویشتم نړيوال تلاوتي کنفرانس د ډهاکا ښار د بيتالمکرم ملي جومات کې پرانېستل شو.
په دغو مراسمو کې د بنګلهدېش د مذهبي چارو وزیر، د اسلامي هېوادونو د سفارتونو استازو او له ایران، مصر، پاکستان، فلیپین او بنګلهدېش څخه مخکښو قاریانو ګډون کړی ؤ.
په بنګلهدېش کې د ایران کلتوري چارو سلایار سید رضا میرمحمدي، ، په خپلې وینا کې وويل چې بنګلهدېش د هغو هېوادونو له ډلې څخه دی چې د نړیوالو قرآني پروګرامونو په برخې کې خورا فعال دی او هر کال ګڼ شمېر نړيوال د قرآني مراسمو کوربهتوب کوي. هغه په دې برخه کې د ایران او بنګلهدېش ترمینځ پرپياوړو اړیکو او اغېزشیندونکو ملګرتیاؤ ټینګار وکړ. نوموړي څرګنده کړه چې د ایران په مرستې سره وروستی قرآني کنفرانس چې په ډهاکا کې ترسره شو، له پراخ هرکلي سره مخ شوی دی.
ده زياته کړه چې د اسلامي امت د اوسنیو بحرانونو د حل یوازینۍ لار د قرآن کریم پیروي ده.
هغه وویل نن سبا د اسلامي نړۍ تر ټولو مهمه موضوع فلسطین او غزه ده. دا ژور زخم یوازې د قرآن کریم د پياوړو لارښوونو په عملي کولو سره رغېدلی شي.
د پروګرام په دويمه برخې کې د ایران، مصر،پاکستان، فلیپین او بنګلهدېش قاریانو په زړه پورې تلاوتونه وړاندې کړل. د ایران نامتو نړيوال قاری مهدی غلامنژاد،هم په دغه کنفرانس کې ګډون کوي او قرآن به تلاوت کړي.
په دې دوه اونیز پروګرام کې، ګډونوال نړيوال قاریان د «قرآني سفر» په چوکاټ کې د بنګلهدېش په بېلابېلو ښارونو کې په ګڼو پروګرامونو کې ګډون کوي.
دا پروګرام د بنګلهدېش د قرآني نړیوالو سیالیو د څلورم پړاؤ په څنډې کې ترسره کېږي. مهدی برنده، چې د قرآن کریم کامل حافظ او د سعودي د پنځه څلوېښتمو نړيوالو قرآني سیالیو د غوره رتبه ګټونکی دی، د بشپړ حفظ په برخه کې د ایران استازی دی. همدارنګه اسحاق عبداللهي، چې د روسیې د درې ویشتمو نړيوالو قرآني سیالیو لومړی مقام ئې ګټلی، د ایران بل استازی دی چې په ددغه پړاؤ سیالیو کې د «تحقیق قرائت» په برخې کې ګډون کوي.
https://iqna.ir/fa/news/4322080
